Mor Efrem Buthanasy Dabaraly Ýagdaýda Açyldy

Düýn Stambulyň Ýeşilköý etrabynda gurlan Mor Efrem buthanasy Prezident R. T. Erdoganyň gatnaşmagynda dabaraly ýagdaýda açyldy.

Daşary ýurtly köpçülikleýin habar beriş serişdeleri, Stambulda, Türkiýe Respublikasynyň taryhynda gurlan ilkinji buthananyň açylyş dabarasy hakyndaky habarlara giňişleýin ýer berdi.

Germaniýanyň “DPA” habarlar gullugy mesele hakyndaky habaryny “Türkiýe Respublikasynyň ilkinji buthanasy açyldy” söz başysy bilen okyjylaryna ýetirdi.

Habarda, Stambulyň Assiriýa gaznasynyň başlygy Sait Susiniň açylyş dabarasynda eden çykyşynda, Prezident R. T. Erdogana sagbolsun aýdandygy nygtaldy.

Germaniýanyň “Doçlandradio” radiosy “Erdogan, Respublika taryhynyň ilkinji resmi buthanasyny açýar” söz basyşyny saýlap alypdyr.

Fransuz habarlar gullugy “AFP”, habary “Erdogan 100 ýyllyk Respublika taryhynda Stambulda ilkinji buthanany açdy” söz başysy bilen halka ýetirdi.

Gresiýanyň “ERT” kanaly, Mor Efrem buthanasynyň açylşynyň Türkiýe üçin medeni we syýasy taýdan uly ähmiýetiniň  bardygyna ünsi çekdi.