Prezident Erdogan Yslam Medeniýetleri Muzeýini Açar

Stambulda Uly Çamlyja metjidinde ýerleşýän we 10 müň inedördül metr ýapyk meýdanda ornaşýan Yslam medeniýetleri muzeýi Milli köşkler edarasyna degişli Topkapy köşki we Köşk kolleksiýalary muzeýinden, Türk we yslam eserleri muzeýinden, Stambulyň arheologiýa muzeýlerinden, Stambulyň türbetler muzeýinden we Gaznalar muzeýinden saýlanan kolleksiýalaryň eserleriniň esasynda dizaýn edildi.

7-nji asyrdan 19-njy asyra çeni yslam sungadynyň ösüş tapgyryny beýan edýan 800-e barabar eseri özünde jemleýän muzeý, türk dokma sungady, Hezreti Muhammede degişlidigi aýdylýan eserler, Yslam sungatynda binagärçilik we bezeg faktorlary, İlkinji ybatdahana Käbe, Şam resminamalary, Gurhan we goralan nusgalary, Yslamda ylym, Şahadatnamalar we Permalar, Hatdatlyk, Tylsymly köýnekler, Osmanlyda egin-eşik, El ýaglyk däbi, Tabyt örtgüleri, Yslamda zabt etmek, Türk syrçaçylyk sungady, Yslamy zikkeler ýaly 15 tematiki bölümden ybarat.

Myhmanlar muzeýe gelenlerinde Hezreti Muhammediň şekilledirilen aýak yzyny, Käbäniň tutusyny, tylsymly köýnekleri, patyşalaryň çäkmenlerini, Fatih Soltan Mehmediň çagalyk depderini, Osman döwründen galan pullary, derwişleriň tesbilerini, patyşlaryň gylyçlaryny we ýene-de ençeme eserleri görerler.

Yslam medeniýetleri muzeýi 1200 ýyllyk geçmişiň mirasyny özünde jemleýän we esasy bölegi ozal sergilenmedik deňsiz eserleri özünde jemleýär.