Türkiýäniň milli pälwany Ryza Kaýaalp Ýewropanyň çempiony boldy
Türkiýäniň milli pälwany Ryza Kaýaalp, Ýewropanyň Göreş çempionatynda grek-rim göreşi boýunça 130 kg agyrlygynda altyn medala eýe boldy
Polşanyň paýtagty Warşawa şäherinde geçirilýän Ýewropanyň Göreş çempionatynyň 6-njy gününde Türkiýäniň milli pälwany Ryza Kaýaalp, göreşiň grek-rim görnüşi boýunça 130 kg agyrlygynda final tutluşygynda Gruziýaly Iakobi Kajaia bilen göreşdi.
Gruzin bäsdeşini 3-1 hasabynda ýeňen Ryza Kaýaalp, 10-njy gezek Ýewropa çempiony boldy.
Iň köp gezek Ýewropa çempiony bolan türk pälwany adyna eýe bolan Ryza Kaýaalp, özüne degişli bolan rekordy täzeledi.
Milli pälwany mundan başgada 4 gezek dünýä çempiony, bolupdy, Olmpia oýunlarynda 2-nji we 3-nji orunlara mynasyp bolupdy.
Prezident Rejep Taýýip Erdogan, 10-njy gezek Ýewropa Çempiony bolan türk milli pälwan Ryza Kaýaalpa telefon arkaly jaň edip, ony gutlady.
Prezident Erdogan milli pälwandan Tokio Olimpia oýunlarynda hem çempionlyk garaşýandygyny belledi.
