Ýylyň iň gowy erkek futbolçysy belli boldy

FIFA tarapyndan 2016-njy ýylyň iň gowy futbolçylary mälim edilen dabara Şweýsariýanyň Sýurih şäherinde geçirildi.

Dabaranyň alyp baryjylary amerikaly aktrisa Ewa Longoria we nemes telewideniýesiniň diktory Marko Sşreýl boldylar.

Milli ýygyndylaryň tälimçileriniň, kapitanlarynyň, metbugat işgärleriniň we halkyň ses bermeginde geçirilen sese goýulşygyň netijesinde Ispaniýanyň Real Madrid toparyndan Kristiano Ronaldo Ýylyň iň gowy futbolçysy adyna eýe boldy.

Ronaldo sesleriň sany boýunça Ispaniýanyň Barselona toparynda oýnaýan argentinaly Lionel Messini we Atletiko Madrid toparynda oýnaýan Antoine Griezmanny geçdi.

FIFA Halkara Professional futbolçylar bileleşigi (FIFPro) tarapyndan Ýylyň iň gowy 11 futbolçysy saýlandy:

Derwezeban: Manuel Noýer (Bawariýa Mýunhen)

Goragçy: Žerard Pike (Barselona), Dani Alwes (Ýuventus), Sergio Ramos, Marselo (Real Madrid)

Ýarym goragçy: Andres Iniesta (Barselona), Luka Modriç, Toni Kroos (Real Madrid)

Hüjümçi: Lionel Messi, Luis Suarez (Barselona), Kristiano Ronaldo (Real Madrid).

Ýylyň iň gowy goly üçin berilen Puskas sylagyna penang toparyndan malaýziýaly Mohd Faiz Subri eýe boldy.