Ysraýylyň Gaza garşy guraýan hüjümlerinde ýogalýan palestinalylaryň sany artmaga dowam edýär
Ysraýylyň goşunynyň Gaza zolagyna garşy 2023-nji ýylyň 7-nji oktýabrynda başladan hüjümlerined şu günki güne çenli ýogalan palestinalylaryň sany 33 müň 729 adama ýetdi
Palestinanyň Gazadaky Saglygy goraýyş ministrliginden berilen beýanatda Ysraýylyň Gaza zolagyna garşy eýýäm 191 gün bäri dowam etdirýän hüjümleri barada maglumat berildi.
Palestinanyň resmi habarlar agentligi WAFA tarapyndan berilen habara görä, Ysraýylyň goşunynyň düýn gijäniň dowamynda howadan, gury ýerden we deňizden Gaza şäheri başda bolmak bilen ençeme ýere guran hüjümlerinde azyndan 10 adam ýogaldy, köp sanda adam ýaralandy.
Palestinanyň Gazadaky Saglygy goraýyş ministrliginden berilen beýanatda Ysraýylyň goşunynyň soňky 24 sagatda Gaza zolagyna guran hüjümlerinde ýene-de 43 palestinalynyň ýogalandygy, 62 palestinalynyň bolsa ýaralanandygy mälim edildi.
Ysraýylyň 7-nji oktýabrdan bäri Gaza zolagyna garşy guran hüjümlerinde ýogalan palestinalylaryň sany 33 müň 729 adama, ýaralanan palestinalylaryň sany bolsa 76 müň 371 adama ýetdi.
Beýanatda mundan başgada ýumrulan binalaryň harabalyklarynyň arasynda we ýoluň gyralarynda ýogalan adamlaryň jesetleriniň bardygy, emma ysraýylly esgerleriň päsgel bermegi sebäpli şol jesetleriň ýygnalyp bilinmeýändigi aýan edildi.
Degişli Habarlar
Sloweniýanyň Palestinany Ykrar Etmegine Garaşylýar
Sloweniýanyň 13-nji iýuna çenli Palestinany ykrar etmegine garaşylýar.
