ÝB, Ukraina 5 Milliard Ýewrolyk Harby Kömegiň Berilmegini Tassyklady
ÝB-niň Ukrainanyň harby goşunyna jemi 33 milliad ýewrolyk kömek berendigi nygtalýar.
ÝB Geňeşi, 2 ýyldan gowrak wagt bäri Russiýa bilen söweşýän Ukraina berilýän harby kömegiň 5 milliard ýewro çenli artdyryljakdygyny habar berdi.
ÝB Geňeşinden berlen beýannama görä, “Ýewropa parahatçylyk gaznasy” ady berlen gaznanyň serişdesi 5 milliard ýewro artdyryldy we şol gaznanyň çäginde “Ukraina kömek gaznasy”döredildi.
Ukraina kömek gaznasynyň çäginde Ukrainanyň ýaragly güýçlerine harby kömegiň we tälimiň berilmegi maksat edinilýär.
ÝB-niň Daşarky gatnaşyklardan we howpsuzlykdan jogapkär ýokary wekili Borrel, kabul edilen kararyň ÝB-niň beren wadasynda durýandygyny görkezýändigini nygtap, “Russiýa garşy söweşýän Ukrainanyň özüni goramagy üçin goldaw bermäge dowam ederis” diýdi.
Karardan soň Ýewropa parahatçylyk gaznasynyň 2021-2027-nji ýyllary öz içine alýan bujeti 17 milliard ýewrodan geçdi.
ÝB-niň Ukrainanyň harby goşunyna jemi 33 milliad ýewrolyk kömek berendigi nygtalýar.