Ysraýyl Rafaha Hüjüm Başlatdy
Palestina Ysraýylyň goşunlarynyň Gaza Sektorunyň günortasyndaky Rafah şäherine düýn agşam hüjüm başladandygyny, çagalar we zenanlar bilen bilelikde 14 palestinalynyň ýogalandygyny beýan etdi.
Palestinanyň Daşary işler ministrliginden berilen ýazmaça beýannamada; “Palestinanyň Daşary işler min istrligi Ysraýylyň Gaza Sekorunyň demirgazygyndan we merkezinden, millionlarça ýerlerinden mahrum edilen adamyň ýerleşýän şäheriniň basylyp alynmazlygy boýunça halkara duýduryşlara garamazdan Rafah şäherine guran pajygaly howa hüjümleri bilen ulgamlaýyn ýumuryjy operasiýalaryny berk ýazýar” diýilýär.
Beýannamada Ysraýylyň düýn agşam Rafaha ýumuryjy howa hüjümini başladandygyna we köp sanly palestinalynyň ýogalandygyna üns çekilip; “Ysraýyl Rafah şäherine garşy hüjümini başlatdy we halkara reaksiýalardan çetde durmak üçin ony yglan etmegi we hiç kimiň rugsadyna hem garaşmady” diýilýär.
Beýannama görä Ysraýylyň harby uçarlarynyň düýn Rafah şäheriniň dürli etraplaryna guran howa hüjümlerinde çagalar we zenanlar bilen bilelikde 14 palestinaly ýogaldy, köp sanly palestinaly ýaralandy.
Ysraýylyň Premýer-ministri Binýamin Netanýahunyň ofisinden 15-nji martda berilen beýannamada Rafah şäheriniň günortasyna harby operasiýa ähtimallygynyň meýilleşdirilýändigi habar berilipdi.
