Ysraýyl Hüjümlerinde Ýogalanlaryň Sany 30 Müň 960 Adama Ýetdi

Ysraýylyň harby goşunynyň Gaza Sektoryna garşy 2023-nji ýylyň 7-nji oktýabryndan bäri guraýan hüjümlerinde ýogalanlaryň sany 30 müň 960 adama ýetdi.

Palestinanyň Saglygy goraýyş ministrliginden berlen ýazmaça beýannamada, Ysraýylyň 155 günden bäri Gaza Sektoryna garşy guraýan hüjümleri hakynda maglumat berildi.

Beýannamada, Ysraýylyň harby goşunynyň soňky 24 sagatda ýene-de 82 palestinalyny öldürendigi, 7-nji oktýabrdan bäri jemi ýogalanlaryň sanynyň 30 müň 960 adama ýetendigi bellenildi.

Beýannamada soňky hüjümlerde 122 palestinalynyň ýaralanandygy, jemi ýaralananlaryň sanynyň 72 müň 524 adama ýetendigi ýatladyldy.