Hindistanda boýag önümçilik ussahanalarynyň birinde ýangyn boldy
Hindistanda boýag önümçilik ussahanalarynyň birinde bolan ýangynda 11 adam ýogaldy, 4 adam ýaralandy
2103498
Ýurduň paýtagty Täze Deli şäherinde boýag önümçilik ussahanalarynyň birinde sebäbi entek anyklanyp bilinmedik ýangyn ýüze çykdy.
Ýangyn söndüriji gullugynyň resmilerinden berilen beýanata görä, 1-nji gatda başlan ýangyn sebäpli, ýokary gatlarda işleýän işgärler, binanyň içinde kyn ýagdaýda galdylar.
Beýanatda 22 ýangyn söndüriji ulag bilen söndürilen ýangynyň 5 sagadta gözegçilik astyna alynyp bilinendigi we binanyň çökendigi mälim edildi.
Golaýdaky binalara hem ýaýran ýangynyň gözegçilik astyna alynmagyndan soň, 11 adamyň jesedi harabalyklaryň arasynda tapyldy.
Wakada ýaralanan 4 adam bolsa hassahanada bejergi astyna alyndy.
Ýangyn bilen baglanşykly derňew işi başladyldy.
