Rus Goşuny Hakynda Galp Maglumat Ýaýradanlaryň Emlägi Elinden Alynar
Degişli kanun döwlet Ýolbaşçysy Wladimir Putin tarapyndan tassyklandy.
Russiýanyň Prezidenti Wladimir Putin rus goşuny hakynda galp maglumat ýaýradanlaryň şondan gazanan emläkleriniň elinden alynmagy hakyndaky kanuna gol çekdi.
Russiýanyň Döwlet kanun maglumat ulgamynda neşir edilen Putiniň tassyklan kanununa görä rus goşuny hakynda galp maglumat ýaýradanlaryň şondan gazananlary elinden alynar.
Şeýle hem kanuna görä rus goşunyny ygtybarsyzlaşdyran, radikalizme çagyrýan, Russiýanyň territorial bitewiligine we howpsuzlygyna wehim salýan, Russiýa we rus raýatlaryna sanksiýa goýmak hakynda çagyryş edenlere berilen döwlet sylaglary we baýraklary yzyna alynar.
Kanun neşir edilmeginden 10 gün soň güýje girer.
Russiýanyň Döwlet Dumasynda geçen aý kabul edilen kanun, Federasiýa geňeşi tarapyndan 7-nji fewralda tassyklanypdy.
