Nigeriýada mina partlady
Nigeriýanyň terror guramasy Boko Haramyň hereket edýän Borno welaýatynda minanyň partlamagy netijesinde medresäniň 6 okuwçysy ýogaldy
Milli metbugatda berilen habarlara görä Borno welaýatynyň Gubio sebitindäki medreseleriň biriniň golaýynda mina partlady.
Partlamada medresäniň 6 okuwçysy ýogaldy, köp sanda adam ýaralandy.
Hüjümiň jogapkärçiligini entek öz üstüne alan tarap bolmasada, sebitde terror guramasy Boko Haramyň hüjümler guraýandygy bilinýär.
Terror guramasy soňky wagtlarda harbylara garşy ýygy-ýygydan hüjümler guraýar.
Terror guramasy Boko Harama agza terrorçylaryň geçen hepde Borno welaýatynyň Magumeri obasyndaky gözegçilik nokadyna guran ýaragly hüjüminde 5 esger ýogalypdy.
Nigeriýada 2000-nji ýyllaryň başyndan bäri barlygyny dowam etdirýän terror guramasy Boko Haramyň 2009-njy ýyldan bäri guraýan hüjümlerinde 20 müňden gowrak adam ýogaldy.
Terror guramasy 2015-nji ýyldan başlap serhetdeş ýurtlar bolan Kamerun, Çad we Niger döwletlerinde hem hüjümler guraýar. Guramanyň Çad kölüniň töwereginde guran hüjümlerinde azyndan 2 müň adam ýogaldy.
Degişli Habarlar
Gazada Ýogalanlaryň Sany Artmaga Dowam Edýär
Ysraýylyň 228 günden bäri Gaza Sektoryna garşy guraýan hüjümleri hakynda maglumat berildi.
