Husiler ABŞ-na Degişli Gämini Nyşana Aldy
Husileriň ABŞ-nyň konteýner gämisi Gibraltar Eagleni nyşana alandygy habar berildi.
2089050
ABŞ-nyň Merkezi güýçler serkerdeligi CENTCOM, Ýemende Husileriň gözegçiligi astyndaky sebitden atylan balistiki raketanyň ABŞ-nyň konteýner gämisi Gibraltar Eagleni nyşana alandygyny habar berdi.
CENTCOM-dan berlen beýannamada, “Sana wagty bilen 16.00-da Eýran tarapyndan goldanýan Husi söweşijiler, Ýemende gözegçilikleri astyndaky sebitden balistiki raketa atdy. Raketa, Marşal adalarynyň baýdagyny göterýän ABŞ-na degişli Gibraltar Eagle konteýner gämisini nyşan aldy” diýildi.
Beýannamada, hüjümde ýaralananyň bolmandygy we gäminiň öz ýoluna dowam edýändigi ýatladyldy.
