“Gazada Başdan Geçirilýän Wakalaryň  Dowam Etmegine Rugsat Bermeris”

BMG-nyň Baş sekretary Antoniu Guterreş, Gazada başdan geçirilýän wakalaryň  dowam etmegine we bu wakalaryň Liwanda gaýtalanmagyna rugsat bermejekdiklerini aýtdy.

Antoniu Guterreş, Gaza Sektorynda 7-nji oktýabrdan bäri dowam edýän hüjümler hakynda metbugata beýannama berdi.

Ähli ýesirleriň boşadylmagyny talap eden Guterreş,  “Hiç kim asuda ilatyň öldürilmegini, ýaralanmagyny, ýesir alynmagyny mamla görkezip bilmez” diýdi.

Ysraýylyň Gaza Sektoryna guraýan hüjümleriniň 100 günden bäri dowam edýändigine ünsi çeken Guterreş, “Hüjümlerde ýykylan ýerleriň we öldürlen asuda ilatyň sany gün saýyn köpelýär” diýdi.

Antoniu Guterreş, “Hiç zat palestin halkynyň köpçülikleýin jezalandyrylmagyny mamla görkezip bilmez” diýdi

BMG-nyň Baş sekretary, Gazadaky ýagdaýyň gün saýyn agyrlaşýandygyny nygtady.

Gazada howpsuz ýeriň ýokdygyny nygtan Guterreş, “Gazada halkara hukugynyň basgylanmagyna uly alada bildirýärin” diýdi.

Ysraýyl bilen Liwanyň arasyndaky Mawi liniýada bolýan çaknyşyklara alada bildirýändigine ünsi çeken Guterreş, “Ysraýyl bilen Liwanyň arasyndaky dartgynlygyň ýaýbaňlanmak howpy tutuş sebitiň durnuklylygyna ýaramaz täsirini ýetirýär” diýdi.

BMG-nyň Baş sekretary “Gazada başdan geçirilýän wakalaryň Liwanda gaýtalanmagyna we Gazadaky ýadgaýyň dowam etmegine rugsat berip bilmeris”diýip belledi.