Gazanyň Ilatynyň 40 Göterimi Açlyk Howpuna Sezewar
Bu barasynda BMG-niň resmisi habar berdi.
BMG-niň Ýakyn Gündogardaky palestinaly bosgunlara kömek we abadançylyk gullugynyň Gaza boýunça Direktory Tomas Waýt, gullugyň X sosial media platformasyndan habarnama berdi.
Gazada her gün azyk we suw tapmak üçin göreşiň dowam edýändigini beýan eden Waýt; “Gaza Sektory betbagtçylyk derejesinde açlyk çekýär; ilatyň 40 göterimi hazirki wagtda açlyk howpuna sezewar. Hakykat şundan ybarat; Gazanyň halky üçin berilýän kömek artmaly we galan ýeke-täk umyt ynsanperwer ylalaşyk” diýip ýazdy.
Hamasyň harby bölümi Kassam topary 7-nji oktýabrda Ysraýyla “Aksa tupany” atly giňişleýin hüjüm başladandygyny habar beripdi.
Ysraýylyň goşuny oňa garşy harby uçarlar bilen Gaza Sektoruna “Demir Gylyçlar” operasiýasyny başladandygyny beýan edipdi.
Çaknyşyklarda esasy bölegi çaga 21,300-den gowrak palestinaly jan berdi.
