Borrel "The Guardian" gazedine beýannama berdi

Ýewropa Bileleşiginiň Daşary gatnaşyklar we howpsuzlyk syýasaty boýunça Ýokary wekili Jozep Borrel Russiýa-Ukraina uruşy bilen Gazadaky başdan geçirilýänleriň Ýewropa Bileleşigine ýaramaz täsir ýetirýändigini belläp: "Gazadaky pajygany duruzmasak, taslamamyz uly zyýan çeker diýip pikir edýärin" diýip habar berdi. 

Beýik Britaniýanyň "The Guardian" gazedine beýannama beren Ýewropa Bileleşiginiň Daşary gatnaşyklar we howpsuzlyk syýasaty boýunça Ýokary wekili Jozep Borrel, iýun aýynda geçiriljek Ýewropa Parlamenti saýlawlarynyň ABŞ-da geçiriljek Prezident saýlawlary ýaly möhümdigini beýan etdi. 

Saýlawçylardaky näbellilik duýgusynyň seslerini sagçy partiýalara geçirmegine alada bildirýändigini aýdan Borrel: "Ylmy ýagdaýda näbelli bolan we näbelligiň emele getiren gorkynyň howpsuzlyk isleýän gormony bölüp çykarýandygy subut edildi. Bu bir hakykat" diýip belledi. 

Borrel metbugatyň şol gorkyny goldaýan ýaýlymlar berýändigini aýdyp: "Adamlaryň gorkusyndan peýdalanyp biljek we gowy soraglara erbet jogap berip biljek partiýalar Ýewropanyň halkynyň goldawyny alyp biler" diýip habar berdi. 

Saýlawçylaryň alada duýmak üçin sebäpleriniň bardygyny aýdan Borrel, saýlawçylary başdan geçirilýänleri anyk ýagdaýda analiz edip biljek syýasy güýçlere goldaw bermäge çagyrdy. Borrel: "Onuň hötdesinden gelip bilmesek Ýewropa Parlamentindäki saýlawlaryň hem ABŞ-da geçiriljek saýlawlar ýaly töwekgelçilikli bolar diýip pikir edýärin" diýip mälim etdi. 

Borrel ÝB-niň barlygynyň Ukrainada howp astyndadygy barada duýduryş berip: "Häzirki wagtda belki diňe Ukraina däl, eýsem Ýewropa we demokratiýamyza wehim salýan uly bir güýçden abanýan howpa üns bermegimiziň wagtydyr. Ýolumyzy tiz wagtda üýtgedip, ähli mümkinçiliklerimizi mobilizlemesek, ol Russiýanyň Döwlet baştutany Wlaidmir Putiniň Ukraiandaky uruşda ýeňiş gazanmagyna sebäp bolar. Şol ýaly Gazadaky pajygany duruzmasak, taslamamyz uly zyýan çeker diýip pikir edýärin" diýip habar berdi. 

Borrel: "Putin Ukrainanyň bir bölegini basyp alyp, galan böleginiň ÝB-ne girmegi bilen çäklenmez. Esasanam has amatly ssenariýa hödürläp biljek ABŞ saýlawlaryndan öň uruşdan ýüz öwürmez. Şol sebäpli has ýygy we uzak wagt dowam etjek uruşa taýarlanmalydyrs" diýip nygtady.