Orban ÝB-niň Özlerine Şantaž Edýändigini Aýtdy
Wengriýanyň Premýer-ministri Wiktor Orban ÝB Komissiýasyny hukugyň hökmürowanlygy boýunça aladalar bilen ýurduna garşy milliardlarça ýewro serişdäni saklap”, şantaž etmekde günäkärledi.
Orban geçiren metbugat ýygnagynda “Biziň pikirimizçe Wengriýa hukugyň hökmürawanlygynyň ähli kadalaryny berjaý edýar we ÝB Komissiýasynyň ýörite isleglerine laýyklykda-da olardan gelen islegleri berjaý edýäris hem-de hyzmatdaşlyk edýäris” diýdi.
Orban ÝB-niň şantažyň hakykatdandygyny we onuň Ýewropa Parlamentiniň agzalary tarapyndan hem kabul edilendigini nygtap; “Şeýle şantažda Wengriýanyň bähbitlerini goramak üçin elimden geleni edenim üçin meni günäkärläp bilmersiňiz” diýdi.
Wengriýa Ukrainanyň ÝB-ne agzalygy boýunça gepleşikleriň başlamagyny we 50 milliard ýewrolyk täze maliýe kömek bukjasyny goldamaýar.
Ukrainanyň ÝB-ne agzalyk gepleşiklerine başlamagy hakynda karar 14-15-nji dekabrda Brýusselde geçirilen liderler sammitinde Obanyň Germaniýanyň Premýer-ministri Olaf Şols tarapyndan kofe içmek üçin zaldan çykarylmagyndan soň kabul edilipdi.
Ukraina 50 milliard ýewrolyk goşmaça maliýe kömek bukjasynyň ÝB-niň býujetinden bölünip berilmelidigini öňe sürýän Orban, ÝB-niň sammitinde şol bukjany weto edipdi.
