G7-ä Girýän Ýurtlaryň Liderleriniň Sammiti Geçiriler
Ykdysady taýdan ösen 7 ýurtdan emele gelýän G7-niň liderleri döwürleýin ýolbaşçy Ýaponiýanyň guramagynda maslahat geçirer.
Ýaponiýanyň Ministrler kabinetiniň Baş sekretary Matsuno Hirokazu geçiren metbugat ýygnagynda Ýaponiýanyň Premýer-ministri Kişida Fumionyň şu gün G7-niň liderleriniň onlaýn sammitini geçirjekdigini aýtdy.
Matsuno G7-ä girýän ýurtlaryň liderleriniň “Russiýanyň Ulraina 2022-nji ýylyň fewral aýyndan bäri dowam edýän hüjümleri, 2 aýdan bäri dowam edýän Ysraýyl-Hamas çaknyşyklary we emeli intellekt ýaly dürli meseleleri” seljerjekdigini aýtdy.
“Halkara jemgyýetçiligini gyzyklandyrýan esasy meseleleri ara alyp maslahatlaşylar we G7-niň hyzmatdaşlygy nygtalar” diýen Matsuno, Ukrainanyň döwlet Ýolbaşçysy Wladimir Zelenskiýniň onlaýn formatdaky sammite gatnaşmagynyň meýilleşdirilýändigini habar berdi.
2024-nji ýylda G7-niň döwürleýin ýolbaşçylygyny Italiýa kabul edip alar.