Stoltenberg Ynsanperwer Arakesmäniň Uzaldylmagy Üçin Çagyryş Etdi
NATO-nuň Baş sekretary Ýens Stoltenberg Hamas bilen Ysraýylyň arasynda çaknyşyklara “ynsanperwer arakesme” berilmegi üçin gazanylan ylalaşygyň möhletiniň uzaldylmagy üçin çagyryş etdi.
Stoltenberg noýabr aýynyň 28-29-y aralygynda Belgiýanyň paýtagty Brýusselde ýerleşýän NATO-nuň karargähinde geçiriljek NATO agza ýurtlaryň daşary işler ministrleriniň maslahatyndan öň žurnalistlere brifing berdi.
Hamas bilen Ysraýylyň arasyndaky ylalaşygyň ýesirleriň boşadylmagyny we ynsanperwer kömekleriň ýetirilmegini üpjün edendigini aýdan Stoltenberg; “Berilen arakesmäniň uzaldylmagy üçin çagyryş edýärin. Ol, Gazada halka zerur bolan ýardamlaryň ýetirilmegini we köp sanly ýesiriň azat edilmegini üpjün eder” diýdi.
Stoltenberg durnukly syýasy çözgüdiň zerurdygyny nygtady. NATO-nuň ýaranlarynyň Yrak we Siriýa ýaly ýurtlarda güýçleriniň bardygyny ýatladan Stoltenberg; “Yrakdaky we Siriýadaky ABŞ-nyň pozisiuýalaryna uçarmansyz howa ulaglary we raketaly hüjümleriň guralýandygyny, söwda gämilerini hüjümleriň edilendigini gördük. Ol dartgynlygyň artma howpuny görkezýär. Eýran, özi üçin hereket edýänlere gözegçilik etmeli” diýdi.