Burkina-Fasoda terrorçylykly hüjüm guraldy
Burkina-Fasoda 5-nji noýabrda guralan terrorçylykly hüjümlerde azyndan 70 adamyň ýogalandygy habar berildi
Prokuraturadan berilen ýazmaça beýanatda, ýurduň Sentre-Nord sebitindäki Zaongo obasyna 5-nji noýabrda şahsyýetleri entek anyklanmadyk adamlar tarapyndan guralan terrorçylykly hüjümde, aglabasy çagalardan we ýaşuly adamdalrdan ybarat 70 adamyň ýogalandygy mälim edildi.
Beýanatda, jemi ýogalan we dereksiz ýiten adamlaryň, halas edilen adamlaryň beren maglumatlaryna laýyklykda kesgitlenjekdigi, waka bilen baglanşykly derňew işiniň başladylandygy aýan edildi.
Burkina-Fasoda 2015-nji ýylda başlan howpsuzlyk krizisiniň netijesinde 2 milliondan gowrak adam öz dogduk ýerlerini terk etmäge mejbur galdy. Hökümet tarapyndan berilen maglumata görä şol adamlaryň diňe 120 müňi öýlerine gaýdyp baryp bildi.
Ýurduň Premýer ministri Apolliner Iohahimson Kýelem de Tambela maý aýynda eden çykyşynda, ýurduň topraklarynyň 65 göteriminiň döwletiň gözegçiligindedigini habar beripdi.
