Dünýäniň iň garry iti ýogaldy

Ginnesiň rekordlar kitabynda fewral aýyndan bäri ady geçýän we 31 ýaşy bilen dünýäniň iň garry iti hökmünde bellige alynan Bobi atly itiň ýogalandygy habar berildi. 

Portugaliýanyň Leiria şäheriniň Konkeýros obasynda ýaşan Bobi atly itiň eýesi Leonal Kosta, ýerli metbugata beren beýanatynda iç keseller sebäpli itiniň birnäçe gün ozal hassahana ýatyrylandygyny habar berdi. 

11-nji maýda 31 ýaşyny dolduran Bobiniň uzak ýyllap ýaşamagynyň sebäpleri, alymlar tarapyndan derňelýär. 

Leonal Kosta itiniň tokaýda erkin ýagdaýda ýaşandygyny habar berdi.