Liwiýadaky silde ýogalan adamlaryň sany artdy
Liwiýanyň gündogaryndaky Derne şäherinde sil apaty sebäpli ýogalanlaryň sanynyň 5 müň 300-e ýetendigi, müňlerçe adamyň dereksiz ýitendigi mälim edildi
Liwiýanyň resmi habarlar agentligi LANA tarapyndan berilen habara görä, 10-njy sentýabrda başdan geçirilen sil apatynda diňe Derne şäherinde ýogalanlaryň sanynyň 5 müň 300 adama ýetendigi aýan edildi.
Merkezi Ortaýer deňizinde täsirli bolan we 10-njy sentýabrda Liwiýanyň gündogaryna täsir ýetiren Daniel tupany, Bingazi, Beýda, Merk, Sýuz we Derna şäherlerinde sil apatlarynyň döremegine sebäp bolupdy.
Milli Jebilsik hökümetiniň Premýer ministri Abdulhamid Dibeýbe sil apaty sebäpli ýurtda 3 günlik milli ýas yglan edipdi, Liwiýanyň Prezidium Geňeşi hem doganlyk ýurtlara we halkara guramalara sil apatynyň zyýan ýetiren sebitler üçin ýardam berilmek barada çagyryş beripdi.
Gyzyl ýarymaý jemgyýeti Liwiýadaky sil apatynda dereksiz ýiten adamlaryň sanynyň 10 müňden geçendigini habar berdi.
Degişli Habarlar
Gazada Ýogalanlaryň Sany Artmaga Dowam Edýär
Ysraýylyň 228 günden bäri Gaza Sektoryna garşy guraýan hüjümleri hakynda maglumat berildi.