Liwiýanyň Daşary Işler Ministri Menguş Wezipesinden Boşadyldy

Liwiýanyň Milli jebislik hökümetiniň Premýer-ministri Abdulhamid Dibeýbe, Daşary işler ministri Nejla Al Menguşy, Ysraýylyň Daşary işler ministri Johen bilen duşuşandygy sebäpli wezipesinden boşatdy.

Liwiýanyň Milli jebislik hökümeti tarapyndan kabul edilen 368 belgili kararnamada, “Liwiýanyň Daşary işler ministri Nejla Al Menguşyň wezipesinden boşadylmagy we hakynda derňew işiniň gozgalmagyna karar berildi” diýildi.

Kararnamada, Menguş hakyndaky derňew işiniň Liwiýanyň Adalat ministriniň ýolbaşçylygynda dörediljek komissiýa tarapyndan alnyp baryljakdygy ýatladyldy.

Ysraýylyň Daşary işler ministrliginden düýn berlen ýazmaça beýannamadai “Ysraýylyň we Liwiýanyň Daşary işler ministrleriniň arasynda taryhy duşuşygyň geçirlendigi” beýan edilipdi.

Beýannamada, “Daşary işler ministri Koheniň geçen hepde İtaliýanyň paýtagty Rimde, Liwiýaly kärdeşi Menguş bilen duşuşandygy” nygtalypdy.

Beýnnamadai iki ýurduň daşary işler ministrleriniň arasynda geçirlen ilkinji duşuşygyň netijeli geçendigine üns çekilipdi.

Liwiýa, Ysraýyly ykrar etmeýär we Tel Awiw bilen diplomatik gatnaşyklary ýok.

Liwiýanyň raýatlaryna berilýän pasportda “Ysraýyldan daşary ähli ýurtlara gidilip bilner” diýlen ýörite duýduryş bar. Mundan başgada Ysraýyl bilen gatnaşyk etmek kanunlara laýyklykda gadagan edilen.

Beýleki tarapdan Daşary işler ministri Menguşyň, Ysraýylyň Daşary işler ministri bilen duşuşandygy hakyndaky habarlardan soň birnäçe şäherde protest ýörişi geçirildi we Ysraýylyň baýdagy ýakyldy.

Liwiýanyň hökümetine garşy şygarlar aýdan protestçylar, Daşary işler ministri Menguş hakynda kazyýet işiniň gozgalmagyny isledi.