Prezident Erdoganyň Sapary Birleşen Arap Emirliklerinde Uly Seslenme Döretdi
Köpçülikleýin habar beriş serişdelerinde berlen habarlarda, iki ýurduň arasyndaky hyzmatdaşlyk hakynda öwgüli sözler aýdyldy.
Birleşen Arap Emirlikleriniň köpçülikleýin habar beriş serişdeleri, Prezident R. T. Erdoganyň saparyna giňişleýin ýer berdi.
Köpçülikleýin habar beriş serişdelerinde berlen habarlarda, iki ýurduň arasyndaky hyzmatdaşlyk hakynda öwgüli sözler aýdyldy.
BAE-niň resmi habarlar gullugy WAM mesele hakyndaky habarynda, soňky 2 ýylda guralan saparlar bilen BAE bilen Türkiýäniň arasyndaky dostlukly gatnaşyklaryň we hyzmatdaşlygyň güýçlenendigi nygtaldy.
Habarda, BAE-niň hyzmatdaşlygyň güýçlendirilmegi, dostlukly gatnaşyklaryň ösdürilmegi strategiýasynyň çäginde Türkiýe bilen edilýän gatnaşyklara uly ähmiýet berýändigi nygtaldy.
Habarda Prezident Erdoganyň saparynyň çäginde iki ýurduň arasynda ykdysadyýet, howpsuzlyk, daşky gurşaw we tehnalogiýa ýaly birnäçe ugurda şertnama baglaşylandygy ýatladyldy.
“Al-Ittihad” gazeti, Prezident Erdoganyň sapary hakyndaky habarynda, BAE bilen Türkiýäniň arasyndaky hyzmatdaşlyga ünsi çekdi.
“Al-Beýan” we “Al-Haliç” gazetleri soňky döwürde BAE bilen Türkiýäniň arasynda gatnaşyklaryň pajarlap ösýändigini ýatlatdy.
BAE-niň mediasy, Twitterde beren habarnamalarynda, Türkiýäniň Prezidentiniň BAE-ne guran saparyna ünsi çekdi.
