ABŞ-da howply madda daşaýan otly relsden çykdy
ABŞ-nyň Pensilwaniýa ştatynda howply madda daşaýan otlynyň 16 wagony relsden çykdy
CNN tarapyndan berilen maglumata görä, otlynyň eýesi CSX demir ýol kärhanasy tarapyndan berilen ýazmaça beýanatda, wakanyň Pensilwaniýa ştatynyň Plymouth Meeting sebitinde başdan geçirilendigi mälim edildi.
Berilen maglumatda otlynyň 40 wagonynyň takmynan 16-synyň relsden çykandygy aýan edildi.
Geçirilen deslapky derňewde relsden çykan wagonlaryň birinde howply maddanyň bolandygy bellenen beýanatda, şol maddanyň syzandygy ýa-da dökülendigi bilen baglanşykly entek subutnama tapylmandygy habar berildi.
Berilen maglumatda otlynyň işgärlerinden ýaralanan adamlaryň bolmandygy we waka bilen baglanşykly derňew işiniň başladylandygy aýan edildi.
Polisiýa gullugy howply maddanyň syzmak ähtimallygyna garşy golaýdaky öýlerde ýaşaýan adamlaryň ewakuasiýa edilendigini habar berdi.
