Russiýa Ukrainaday Sowutly Ulaglaryň Durýan Ammarlaryny Urdy
Russiýanyň Goranmak ministrligi Ukrainada daşary ýurt sowutly ulaglaryň durýan ammarlarynyň ýokaru ukyply ýaraglar bilen urlandygyny beýan etdi.
Ministrligiň metbugat sekretary Igor Konaşenkow, rus goşunlarynyň Russiýa-Ukraina söweşi hakynda Moskwada beýannama berdi.
Rus harby güýçleriniň Ukrainadaky hüjümleriniň dowam edýändigini aýdan Konaşenkow; “Russiýanyň ýaragly güýçleri gije ukrain harby güýçleriniň esgerleriniň we daşary ýurtly hakynatutma esgerleriň wagtlaýyn ornaşan ýerlerine, daşary ýurt sowutly ulaglaryň goýulan ammarlaryna deňizden uzak menzilli ukyply ýarag bilen hüjüm gurady” diýdi.
Konaşenkow hüjümde kesgitlenen ähli nyşanalaryň urlandygyny öňe sürdi.
Ukrainanyň strategik güýçleriniň ýitgi çekendigini beýan eden Konaşenkow; “Şu günki güne çenli ukrain goşunlaryna degişli 451 uçar, 241 dik uçar, 4,908 uçarmansyz howa ulagy, 426 howa goranyş raketa ulgamy, 10,547 tank we sowutly ulag, 1135 raketa, 5,356 gaubisa we top bilen 11,468 ýörite harby ulag hatardan çykaryldy” diýdi.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.
