Fransiýanyň Prezidenti Germaniýa gurajak saparyny yza süýşürdi

Fransiýanyň Przidenti Emmanuel Makron, ýurtda bir ýaş oglanyň polisiýa işgärleriniň ot açmagy netijesinde ýogalmagyndan soň başlan wakalar sebäpli 2-4-nji iýul aralygynda Germaniýa guramagy meýilleşdiren saparyny yza süýşürdi. 

Nanter şäherinde 27-nji iýunda Nael M. atly ýaş oglanyň  polisiýa işgärleriniň ot açmagy netijesinde ýogalmagyndan soň başlan wakalar dowam edýär. 

Fransiýanyň BFMTV kanalynyň berýän habaryna görä, Emmanuel Makron ýurtdaky hadysalar sebäpli 2-4-nji iýul aralygynda Germaniýa gurajak resmi saparyny yza süýşürdi. 

Ýeliseý köşgünden fransuz kanalyna berilen beýanatda, Fransiýanyň Przidenti Emmanuel Makronyň we Germaniýanyň Prezidenti Frank-Walter Ştaýnmaýeriň telefon arkaly söhbetdeş bolandygy mälim edildi. 

Emmanuel Makronyň ýurduň içerki ýagdaýy sebäpli öňümizdäki günlerde Fransiýada galmak isleýändigini aýdandygy bellenen beýanatda, iki Prezidentiň Makronyň Germaniýa gurajak saparyny yza süýşürmek babatynda ylalaşyga gelendikleri habar berildi.