Serbiýada Sil Apaty Sebäpli Adatdan Daşary Ýagdaý Dolanşygy Yglan Edildi

Serbiýada aşa köp ýagýan ýagyşlar bilen gelen sil apaty sebäpli 42 şäherde we etrapda adatdan daşary ýagdaý dolanşygy yglan edildi.

Içeri işler ministriniň orunbasary Lýuk Kausik “Serbiýada 42 şäherde we etrapda adatdan daşary ýagdaý dolanşygy yglan edildi” diýdi.

Ýagyşlaryň 26-njy maýdan bäri belli aralyklar bilen dowam edýändigini we degişli çäreleriň görlendigini aýdan Kausik, şu gün ir ertir ýene-de 55 adamyň göçürlendigini belledi.

Kausik, Marwa derýasynyň daşandygy sebäpli İbar gara ýolunda köprä zeper ýetirlendigini, ýurduň çar tarapynda käbir ýollaryň gatnawa ýapylandygyny nygtady.

Kausik ýagyşlar sebäpli köp sanly öýüň we iş ýeriniň suwyň aşagynda galandygyny ýatlatdy.