Eýranyň Ýardro Ýaragyny Edinmegine Ýol Bermeris
ABŞ-nyň Döwlet sekretary Entoni Blinken Eýranyň ýadro ýaragyny edinmegine ýol bermejekdiklerini aýtdy.
Blinken Waşingtonda geçirilen Ysraýylyň jemgyýetçilik gatnaşyklar komitetiniň 2023 Daşary syýasat sammitinde çykyş etdi.
Ysraýyl bilen ABŞ-nyň arasyndaky ýaranlygyň durmuşyň ähli uğurlarynda ösendigine ünsi çeken Blinken, hökümetleriň arasyndaky hyzmatdaşlygyň halklaryn arasyndaky gatnaşyklar bilen güýçlenendigini beýan etdi.
Blinken ABŞ-nyň Prezidenti Jo Baýdeniň ýolbaşçylyk edýän hökümetiniň özara gatnaşyklary hasam ösdürmek üçin iş alyp barýandygyny nygtap; “Ysraýyl-ABŞ gatnaşyklary, ABŞ-nyň Ysraýylyň howpsuzlygyna berýän ähmiýeti bilen kepillendirildi. Şol ähmiýet geňeşmelere ýapykdyr” diýdi.
ABŞ-nyň Ysraýyla harby we maliýe kömegini berýändigini, iki ýurduň bilelikde harby türgenleşik we ylmy-barlag hem-de kämilleşdiriş işlerini alyp barýandygyny beýan eden Blinken; “Ysraýyl güýçli boldugy saýyn Amerika hasam howpsuz bolar” diýdi.
Blinken Ysraýylyň kanunylygyny derňeýän başlangyçlara garşy hem göreşýändiklerini we BMG-niň Howpsuzlyk geňeşi we Adam hukuklary geňeşi ýaly forumlarda Ysraýyly ýalňyzlaşdyrma hem-de nyşana alma tagallalaryna garşy durýandyklaryny nygtady.
Ysraýylyň ençeme howpy başdan geçirýändigini nygtan Blinken; “Emma Ysraýylyň başdan geçirýän iň uly howpy Eýrandyr” diýdi.
Blinken Russiýanyň hem Eýrana ýarag goldawyny berýändigini beýan edip; “Eýranyň ýadro ýaragyny edinmegine ýol bermeris” diýdi.
Döwlet sekretary Blinken iki döwletli çözgüdiň Ysraýyl bilen Palestinanyň arasynda gönüden geňeşmeler bilen gazanylyp bilinjekdigini nygtady.
