Putin Moskwada Aliýew we Paşinýan Bilen Duşuşdy

Russiýanyň döwlet Ýolbaşçysy Wladimir Putin Moskwada Azerbaýjanyň Przidenti İlham Aliýew we Ermenistanyň Premýer-ministri Nikol Paşinýan bilen Azerbaýjan-Ermenistan meselesi boýunça duşuşyk geçirdi.

Putin Kremlde Aliýew we Paşinýan bilen ilki ikiçäk duşuşyklar geçirdi.

Duşuşyklardan soň üç lideriň maslatynda Putin çykyş etdi.

Putin maslahata gatnaşandyklary üçin minnetdarlygyny bildirip; “Duşuşygyň birnäçe wagtdan bäri gün tertibinde bolan käbir meseleleriň iş ýüzünde çözülmegi üçin netijeli bolmagyny tama edýärin” diýdi.

Şu formatda geçirilen maslahatda köp sanly netijeleriň alynandygyna üns çeken Putin, 2020-nji ýylda çaknyşyklaryň bes edilendigini, ykdysady we ulag gatnaşykalrynyň açylmagy, serhetleriň kesgitlenmegi boýunça işlere başlanandygyny ýatlatdy.

Putin; “Käbir kynçylyklare we meselelere garamazdan umuman şertler çözgüde tarap barýar. Bularyň biri ulag-gatnaw baglanşyklary boýunça işler. Henizem çözülmedik meseleler bar. Emma meniň pikirimçe olar diňe tehniki häsýetli” diýdi.

Russiýanyň, Azerbaýjanyň we Ermenistanyň premýer-ministrleriniň orunbasarlarynyň bir hepde soň bu meseleleri ara alyp maslahatlaşmak we çözmek üçin duşuşyk geçirmegini teklip eden Putin, bu meselede Aliýewden we Paşinýandan goldaw aldy.

Putin; “Bu, heniz çözülmedik meseleleriň çözülmegi üçin umytlandyryjy ylalaşyk” diýdi.

Üçtaraplaýyn maslahat 20 minut dowam etdi.