Nigeriýada amerikalylara garşy ýaragly hüjüm guraldy
Nigeriýanyň günorta-gündogaryndaky Anambra ştatynda, ABŞ-nyň ilçihanasynyň işgärlerine garşy guralan ýaragly hüjümde ilkinji kesgitlemelere görä 4 adam ýogaldy
Milli metbugatda berilen habarlara görä, ynsanperwer işleri üçin Anambra welaýatyna baran ABŞ-nyň Nigeriýadaky ilçihanasynyň işgärleri, Ogbaru sebitinde ýaragly hüjüme sezewar galdylar.
Hüjümde ilkinji kesgitlemelere görä 4 adam ýogaldy, köp sanda adam ýaralandy.
ABŞ-nyň Abudža şäherindäki ilçihanasyndan berilen beýanatda, Amerikan ilçihanasynyň işgärleriniň wakanyň derňelmegi üçin Nigeriýanyň howpsuzlyk güýçleri bilen aragatnaşyk içindedigi habar berildi.
Nigeriýanyň günortasynda terror guramasy Biafra ýerli halklary (IPOB) tarapyndan wagtal-wagtal şuňa meňzeş hüjümler guralýar.
Biafra halkynyň Nigeriýanyň günortasynda garaşsyz Biafra döwletini esaslandyrmak islegi bilen 1967-nji ýylda başladan gozgalaňda we içerki söweşde millionlarça adam ýogaldy.
Ýurduň günorta-gündogarynda 1967-nji ýylda esaslandyrylan Biafra Respublikasy, içerki söweşiň netijesinde ýaňadandan Nigeriýanyň özygtyýarlylygynyň astyna giripdi.
Degişli Habarlar
Russiýada Ýadro Türgenleşiginiň Birinji Tapgyry Başlady
Türgenleşige gipersonik “Kinžal” raketalary bilen üpjün edilen uçarlar hem gatnaşar