Şweýsariýa Ukraina harby enjam we ok-däri eksport etmegi ret etdi

Berlinde Germaniýanyň Federal Kansleri Olaf Şols bilen umumy metbugat ýygnagyny geçiren Alen Berse, hökümediniň Russiýanyň Ukraina garşy başladan söweşini berk ýazgarýandygyny we ony halkara hukugyň berk düzgün bozmasy hökmünde garaýandygyny habar berdi. 

Alen Berse emma Şweýsariýanyň eýýäm ençeme wagt bäri dowam edýän bitaraplyk däbi we degişli kanunlary sebäpli çaknyşykda hiç bir tarapa harby goldaw bermejekdigini beýan etdi. 

"Hiç kim bizden öz kanunlarymyzyň düzgünlerini bozmagymyzy islemez" diýip aýdan Alen Berse, bu babatda ýurduň içinde dowam edýän jedelleşigiň bardygyny belledi. 

Şweýsariýa Russiýa degişli emläkleriň doňdurylmagy bilen birlikde Ýewropa Bileleşiginiň Russiýa garşy sanksiýalarynyň bir bölegini kabul edipdi, emma ýewropaly hyzmatdaşlaryň Şweýsariýa önümi bolan ok-därileriň Ukraina ýaňadandan eksport edilmegi baradaky talaplaryny ret etdi.