HAEG-nyň Başlygy Zaparožýe Atom Elektrik Bekedine Baryp Gördi
Halkara atom energiýasy gullugynyň Başlygy Rafael Mariano Grossi Russiýanyň Ukrainada bikanun ýagdaýda özüne birikdiren Zaporožýe oblastyndaky atom bekedine baryp gördi.
Rus habarlar gullugy “TASS-yň” mälim etmegine görä Grossi Zaporožýe atom bekediniň şertleriniň gowulanmandygyny beýan edip; “Bekediň hücümlerden goralmagy üçin mümkin bolan ähli çareler görülmeli” diýdi.
Grossi, HAEG-nyň bekediň goralmagy uğrunda başlangyçlar edendigini nygtap; “Taraplaryň ählisiniň kabul etcek hakykata laýyk, bekediň goralmagy üçin görülmeli çareler hakynda teklip taýýarlamak isleýärin” diýdi.
Beketde heläkçiligiň bolmagyna ýol berilmeli däldigini nygtan Grossi, şeýle bolan halatynda onuň hemmelere zyýan ýetircekdigini aýtdy.
Zaporožýe atom elektrik bekedi, Ýewropanyň iň uly bekedi bolup durýar.
6 atom reaktory bolan we 5,700 megawatsagat elektrik öndürme güýcüne eýe bolan beket , Ukrana gerek bolan elektrik togunyň 20 göterimini üpcün edýär.
Zaporožýe bekedi 2022-nci ýylyň 4-nci martynda rus goşunlary tarapyndan alynypdy. Russiýanyň Prezidenti Wladimir Putin bolsa 2022-nci ýylyň 4-nci oktýabrynda bekediň Russiýanyň garamagyna geçendigi hakyndaky kararnama gol çekipdi.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.