Bangladeşde Bolan Ýangynda 2 Müň Çadyr Ýandy
Bangladeşde immigrantlaryň düşelgelerinde ozal hem birnäçe gezek ýangyn bolupdy.
Bangladeşiň Coks Bazar sebitinde Arakanly musulmanlaryň bolýan bosgun düşelgesinde bolan ýangynda 2 müň çadyr ýandy, 12 müň adam öýsüz galdy.
Immigrantlaryň howpsuzlygyndan jogapkär ýolbaşçylar, ýurduň günortasynda ýerleşýän Coks Bazar sebitindäki düşelgesinde sagat 11-de başlan ýangynyň gözegçilik astyna alynandygyny, ýangynda adam pidasynyň çekilmändigini habar berdi.
Wakada 2 müň çadyryň ýanandygy, 12 müň adamyň hem öýsüz galandygy ýatladyldy.
Ýolbaşçylar ýangyn sebäpli Arakanly musulmanlaryň başga düşelgelere ornaşdyrlandygyny mälim etdi.
Ýangyna nahar bişirmek üçin ulanylýan gaz balonyň sebäp bolandygy öňe sürülýär.
Bangladeşde immigrantlaryň düşelgelerinde ozal hem birnäçe gezek ýangyn bolupdy.
2021-nji ýylyň mart aýynda bolan ýangynda hem 10 müň çadyr ýanypdy we 15 adam ýogalypdy.
Geçen ýylyň ýanwar aýynda bolan ýangynda çadyrlara uly zeper ýetirlipdi.
