ÝB-ne Agza Ýurtlaryň Liderleri Erdogana Ýüzlenme Ugratdy
ÝB-ne agza ýurtlaryn liderleri Türkiýedäki ýer titremeleri sebäpli Prezident R.T.Erdogana ýüzlenip hat ýazyp, duýgudaşlyk bildirdiler we medet beriji duýgularyny beýan etdiler.
Belgiýanyň paýtagty Brýusselde geçirilen ÝB-niň Liderleriniň maslahaty 6-njy fewralda Kahramanmaraşda bolan ýer titremelerinde pida bolanlar üçin 1 minutlyk hormatly dymyşlyk bilen başlady.
Liderler şeýle hem Prezident Erdogana ýüzlenme çap etdiler. Ýüzlenmede; “Halkyňyz ýürek paralaýyjy pajygany başdan geçirýär” diýip nygtan ÝB-niň liderleri, ýer titrmelerinde pida bolanlar üçin duýgudaşlyk bildirdiler.
Hossarlaryny we ýakynlaryny ýitirenler, habara garaşýanlar bilen arkalaşýandyklaryny beýan eden ÝB-niň liderleri, ýaralylara şypak dileklerini ýetirdiler.
Liderler; “ÝB we agza ýurtlar bu tragediýada Türkiýe we Siriýanyň halklary bilen doly arkalaşýar” diýip nygtadylar.
Ýer titremesinden soň dessine kömek bermek üçin ellerinden geleni edýändiklerini beýan eden liderler, ÝB Komissiýasynyň we ÝB-niň döwürleýin başlygy Şwesiýanyň halkara jemgyýetçiliginde maliýe goldawyny ýygnamak üçin mart aýynda donorlar maslahatyny guramak üçin işe girişendigini ýatlatdylar.
Liderler ýüzlenmede; “Biz türk tarapy bilen ýakyn utgaşyklykda goldawymyzy artyrmaga taýýar. Aň-düşünjämiz siz we halkyňz bilen bolmaga dowam eder” diýilýär.
ÝB-niň Liderler sammitiniň jemleýiji jarnamasynda-da ýer titremelerine orun berildi.
Jarnamanyň “Türkiýedäki we Siriýadaky ýer titreme” söz başyly bölüminde, duýgudaşlyk we arkalaşyk frazalaryna orun berildi.
Degişli Habarlar
Gazada Ýogalanlaryň Sany Artmaga Dowam Edýär
Ysraýylyň 228 günden bäri Gaza Sektoryna garşy guraýan hüjümleri hakynda maglumat berildi.