Siriýadaky ýer titremede ýogalan adamlaryň sany artdy
Siriýanyň demirgazygyndaky sebitlerdäki ýerli raýat jemgyýetçilik guramalary hem gyssagly kömekleriň berilmegi barada çagyryş berýärler
Güýç merkezi Kahramanmaraş welaýaty bolan 7,7 we 7,6 bal ululygyndaky ýer titremelerde, Siriýanyň tapawutly sebitlerinde ýogalanlaryň sany 3 müň 162 adama, ýaralananlaryň sany bolsa 5 müň 235 adama ýetdi.
Siriýada ýer titremäniň täsir ýetiren Idlib, Halap, Hama, Latakiýa we Tartus welaýatlarynda gözleg we halas ediş işleri 6-njy fewraldan bäri dowam edýär.
Asada tabynlykdaky güýçleriň habarlar agentligi SANA tarapyndan berilen habarlara görä, Halap, Latakiýa, Hama we Tartus welaýatlarynda Asada tabynlykdaky güýçleriň gözegçiligi astyndaky ýerlerde 1262 adam ýogaldy, 2285 adam ýaralandy.
Siriýanyň demirgazygynda oppozisionerleriň gözegçiligindäki sebitlerde hem köp sanda bina ýumruldy we zyýan ýetdi.
Siriýanyň Adan hukuklary tory, Raýat goranyş topary, ýerli resmiler, saglygy goraýyş edaralary we ýerli çeşmelerden alynan maglumatlara görä, Siriýanyň Idlib bilen Ýewfrat Galkany we Zeýtun şahajygy sebitlerinde azyndan 1900 adam ýogaldy, 2950-den gowrak adam ýaralandy.
Oppozisionerleriň gözegçiligi astyndaky sebitlerdäki gözleg we halas ediş işlerine Siriýanyň MIlli Goşuny hem gatnaşýar.
Öýleri ýumrulan ýa-da zyýan ýeten adamlar gijäni köçelerde ýa-da ýasama çadyrlarda geçirdiler.
Siriýanyň demirgazygyndaky sebitlerdäki ýerli raýat jemgyýetçilik guramalary hem gyssagly kömekleriň berilmegi barada çagyryş berýärler.
