“Bosniýa-Gersogowinanyň NATO Agzalygyna Goldaw Berýäris”
Stoltenberg, Bosniýa-Gersogowinanyň Prezidium Geňeşiniň agzasy Denis Beçirowiç bilen duşuşdy
NATO-nyň Baş sekretary Ýens Stoltenberg, Bosniýa-Gersogowinadaky syýasy liderleriň separatist diskurslardan gaça durmagy üçin çagyryş berdi.
Stoltenberg, Bosniýa-Gersogowinanyň Prezidium Geňeşiniň agzasy Denis Beçirowiç bilen Belgiýanyň paýtagty Brýusselde NATO-nyň ştab kwartirasynda duşuşdy.
Duşuşykdan soň NATO tarapyndan berlen beýannama görä, sebitde durunuklylygyň ähmiýetine ünsi çeken Stoltenberg, sebitiň durnuklylygynyň NATO üçin diýseň möhümigini ýatlatdy.
NATO-nyň Bosniýa-Gersogowinanyň territorial bitewiligine we özygtyýarlygyna doly goldaw berýändigini nygtan Stoltenberg, Bosniýa-Gersogowinanyň NATO agzalygyna hem doly goldaw berýändiklerini ýatlatdy.
Bosniýa-Gersogowinanyň Prezidium Geňeşiniň agzasy Denis Beçirowiç hem ýurdunyň NATO agza bolmak isleýändigini belledi.
Beçirowiç “Şu günki duşuşykda NATO-nyň Baş sekretaryna, Bosniýa-Gersogowinanyň gysga wagtda NATO agza bolmagy üçin uly tagalla etjekdigimi aýtdym” diýdi.
