Rus Goşunlary Kiýewden we Çernygewden Çekilmäge Dowam Edýär
Ukrainanyň Baş Ştaby rus goşunlarynyň Kiýewden we Çernygewden çekilmäge dowam edýändigini habar berdi.
Baş ştabyň “Fajebook” hasabyndan berilen beýannamada Russiýa-Ukraina söweşiniň 34-nji gününde soňky ýagdaý hakynda maglumat berildi.
Rus goşunlaryyň Kiýew şäherini gabaw astyna alma görkezmesini berjaý edip bilmändigi, Kiýewden we Çernygewden çekilmäge dowam edýän rus goşunlarynyň birikmelerini ýurduň gündogar etraplaryna ornaşdyrma ähtimallygynyň bardygy beýan edildi.
Beýannamada Donesk tarapynda hüjümlerini dowam etdirýän rus goşunlarynyň Kreminna we Mariupol şäherlerine howa we raketa hüjümlerini guraýandygy, Stepnogorsk, Orihow we Gulýaýpole etraplarynyň golaýyndaky Ukrainanyn goranyş hüýçleriniň pozisiýalaryna artilleriýa hüjümlerini gurandygy habar berildi.
Aýratynam rus goşunlarynyň Gara we Azow deňiz sebitleriniň ýany bilen Wolynsk, Polinsk, Siwersk, Tawriçeskoýe we Slawýansk etraplaryny almaga çalyşýandygy, Luhansk welaýatyndaky Popasna, Rubyžne etraplarynyň gözegçiligini almaga we Mariupol şäherini basyp almaga gönügendigi mälim edildi.
Ukrainanyň Wise-premýeri Irina Wereşuk ynsanperwer geçelgelerin açylmagy boýunça talaplaryny rus tarapyna ýetirendiklerini aýtdy.
Wereşuk günlük brifinginde Stambuldaky gepleşiklerde Ukrainanyň gepleşik toparynyň rus tarapyna uly şäherlerden Mariupolda, Harkowda, Çernygewde we Kiýewde ynsanperwer geçelgeleriň mejbury we gyssagly açylmagy boýunça talabyny ýetirendigini beýan etdi.
Ukrainanyň Zaporožýe welaýatyndaky Wasilýewda şäherinden Berdýansk tarapyndaky ýoluň açylmagyny isländiklerini aýdan Wereşuk, göçüriş işleriniň Mariupol, Berdýansk, Melitopol we Energodar şäherinden amala aşyryljakdygyny beýan etdi.
Wereşuk soňky 24 sagatda Mariupol şäherinden 936 we Zaporožýeden 729 adamy göçürendiklerini aýtdy.
