ABŞ-nyň Erbildäki Konsullugyna Raketa Hüjümi Guraldy
ABŞ-nyň Döwlet sekretarlygyndan berlen beýannamada, hüjümde konsullyga zeper ýetirilmändigi nygtaldy.
Yragyň Erbil şäherinde ABŞ-nyň Konsullugyna guralan raketa hüjüminde 1 adamyň ýaralanandygy nygtaldy.
Erbiliň häkimi Ümid Hoşnaw metbugata beren beýannamasynda, ABŞ-nyň Konsullygyna terrorçylykly hüjümiň guralandygyny aýtdy.
Hoşnaw, raketa hüjüminden soň şäherdäki howpsyzlyk güýçleriniň degişli çäreleri görendigini belledi.
ABŞ-nyň Döwlet sekretarlygyndan berlen beýannamada, hüjümde konsullyga zeper ýetirilmändigi nygtaldy.
Beýannamada hüjüm hakynda Yragyň Kürt Awtonomiýasynyň derňew işini gozgandygy we hüjümi berk ýazgarýandyklary nygtaldy.
Yragyň Premýer-ministri Mustafa Al Kazymi hem “Erbil şäherine guralan hüjüm halkymyzyň howpsyzlygyna garşy guralan hüjümdir” diýdi.
Yragyň Kürt Awtonomiýasyndan berlen beýannamada hem hüjüm berk ýazgaryldy we hüjümde 1 adamyň ýeňil ýaralanandygy nygtaldy.
Degişli Habarlar
Eýran Täze Prezidentini Saýlamak Üçin 28-nji Iýunda Saýlaw Geçirer
Bu barasynda Eýranyň resmi habarlar gullugy IRNA habar berdi.
Owganystanda Syýahatçylara Guralan Hüjümiň Jogapkärçiligini DEAŞ Öz Üstüne Aldy
Hüjümde 3-i Ispaniýanyň, 3-i hem Owganystanyň raýaty bolan 6 adam ýogalypdy.