Baýden Bilen Zelenskiý Telefon Arkaly Söhbetdeşlik Geçirdi
Baýden, ABŞ-nyň Ukrainanyň bitewiligine we özygtyýarlygyna goldaw berýändigini ýene-de bir gezek nygtady.
ABŞ-nyň Prezidenti Jo Baýden, Ukrainanyň Prezidenti Wladimir Zelenskiý bilen telefon arkaly söhbetdeşlik geçirdi.
Ak Tamdan berlen ýazmaça beýannama görä, telefon söhbetdeşliginde, Russiýa Ukraina hüjüm eden halatynda ABŞ-nyň hyzmatdaşlary bilen birlikde degişli karary kabul etmäge taýardyklaryny aýdan Baýden, ABŞ-nyň Ukrainanyň bitewiligine we özygtyýarlygyna goldaw berýändigini ýene-de bir gezek nygtady.
ABŞ-nyň Ukraina geçen ýyl ýarym milliard dollarlyk ynsanperwer kömegini berendigine ünsi çeken Baýden, ABŞ-nyň Ukraina ykdysady taýdan kömek bermäge dowam etjekdigini belledi.
Ukrainanyň Prezidenti Wladimir Zelenskiý hem Baýden bilen geçiren telefon söhbetdeşligi barada Twitterden beren habarnamasynda “ABŞ-nyň Prezidenti Baýden bilen dartgynlygyň gowşamagy üçin diplomatiýa taýdan ediljek tagallalar hakynda pikir alyşdyk. Baýdene Ukraina berýän harby kömekleri üçin sagbolsuýn aýtdym” diýip belledi.
Degişli Habarlar
ABŞ-nyň Prezidenti Baýden Ukraina we Ysraýyla Goşmaça Harby Kömegiň Berilmegini Tassyklady
Baýden, Ukraina 61, Ysraýyla hem 26 milliard dollarlyk harby kömegiň berilmegini tassyklady.
