Bikanun Göçe Garşy Göreşde Türkiýä Ýardam Berilmeli
"Türkiýe, täze göç tolkunyna sezewar bolan halatynda 2016-njy ýylda baglaşylan immigrant şertnamasynyň dowam etdirilmeli kynlaşar”
Wengriýanyň Daşary işler ministri Piter Sziýarto, bikanun göçe garşy göreşde Türkiýä ýardam berilmelidigini aýtdy.
Belgiýanyň paýtagty Brýuselde geçirlen ÝB-ne agza ýurtlaryň daşary işler ministrleriniň maslahatyna gatnaşan Piter Sziýarto, ÝB-niň Afrika we Ýakyn Gündogar meselesinde alyp barýan syýasatyny üýtgetmelidigini, beýle bolman halatynda ýokarda ady agzalýan sebitde ÝB-niň täsiriniň azaljakdygyny nygtady.
Wengriýanyň Daşary işler ministri, ÝB-niň, siriýaly we liwiýaly bosgunlaryň ýurtlaryna dolanmagy we täze göç tolkunynyň öňüniň alynmagy üçin degişli çäreleri görmelidigini ýatlatdy.
Ministr Piter Sziýarto “Has köp siriýalynyň öýüne dolanmagy üçin Türkiýä ýardam berilmeli. Türkiýe, täze göç tolkunyna sezewar bolan halatynda 2016-njy ýylda baglaşylan immigrant şertnamasynyň dowam etdirilmeli kynlaşar” diýdi.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.
