GDA-na Agza Ýurtlaryň Liderleri Koronawirusa Garşy Göreş Meselesini Ara Alyp Maslahatlaşdy
Putin, maslahatda eden çykyşynda şu ýyl GDA-nyň döredilen gününiň 30 ýyllygynyň bellenilip geçilýändigini nygtady.
Garaşsyz Döwletleriň Arkalaşygyna agza ýurtlaryň liderleri täze görnüş koronawirus epidemiýasyna garşy göreş meselesini ara alyp maslahatlaşdy.
Russiýanyň San Peterburg şäherinde geçirlen maslahata, Russiýanyň döwlet Ýolbaşçysy Wladimir Putin, Azerbaýjanyň Prezidenti Ilham Aliýew, Belarusyň Prezidenti Aleksandr Lukaşenko, Gazagystanyň Prezidenti Kasym Jömert Tokýaew, Gazagystanyň esaslandyryjy Prezidenti Nursoltan Nazarbaýew, Gyrgyzystanyň Prezidenti Sadyr Japarow, Özbegistanyň Prezidenti Şewket Mirziýoýew, Täjigistanyň Prezidenti Emomali Rahmon, Türkmenistanyň Prezidenti Gurbanguly Berdimuhamedow we Ermenistanyň Premýer-ministri Nikol Paşinýan gatnaşdy.
Russiýanyň döwlet Ýolbaşçysy Putin, maslahatda eden çykyşynda şu ýyl GDA-nyň döredilen gününiň 30 ýyllygynyň bellenilip geçilýändigini nygtady.
Putin “Soňky ýyllarda dünýäde birnäçe özgerlişik başdan geçirildi. GDA-nyň ýurtlarymyzyň howpsyzlygynyň üpjün edilmeginde we ykdysady gatnaşyklaryň pugtalanmagynda uly rol oýnaýandygyny nygtamak isleýärin” diýdi.
Sowet Soýuzyndan galan gatnaşyklara ünsi çeken Putin, şol gatnaşyklaryň Kowid-19 epidemiýasy döwründäki kynçylyklaryň ortadan aýrylmagynda täsirli bolandygyny nyhtady.
Rus lideri Putin, “Russiýa şol gatnaşyklara goldaw berdi we goldaw bermäge dowam eder”diýip belledi.
