Nigeriýada Boko haram tarapyndan hüjüm guraldy
Nigeriýada terror guramasy Boko Harama agza terrorçylar tarapyndan guralan hüjümde 16 adam ýogaldy
Ýurdyň milli metbugatynda berilýän habarlara görä, terror guramasynyň agzalary ýurdyň Borno welaýatynyň Rann obasyna hüjüm guradylar.
Hüjümde 1 esger we meýletin ynsanperwer kömek gullugynyň işgäri bilen birlikde jemi 16 adam ýogaldy, köp sanda adam ýaralandy.
Ýurtda 2000-nji ýyllaryň başyndan bäri barlygyny dowam etdirýän Boko Haramyň 2009-njy ýyldan bäri guraýan köpçülikleýin terrorçylykly hüjümlerinde 20 müňden gowrak adam ýogaldy.
Terror guramasy 2015-nji ýyldan bäri goňşy ýurtlar bolan Kamerun, Çad we Niger ýaly döwletlere hem hüjümler guraýar. Guramanyň Çad kölüniň töweregindäki hüjümlerinde azyndan 2 müň adam ýogaldy.
Degişli Habarlar
Ysraýyl 201 Günden Bäri Gazany Bombalaýar
Gaza Sektorynda ýogalanlaryň sany soňky 24 sagatda 79 adam artyp 34 müň 262 adama ýetdi.