Germaniýadaky sil apatynda ýogalan adamlaryň sany artdy
Germaniýanyň Reýnland-Pfals we Demirgazyk Reýn-Westfaliýa welaýatlarynda aşa ýagan ýagyş sebäpli emele gelen sil apatynda ýogalanlaryň sany 141 adama ýetdi
Koblens şäheriniň Polisiýa edarasyndan berilen beýanatda, sil apatynda ýogalanlaryň sanynyň Reýnland-Pfals welaýatynda 98 adama ýetendigi mälim edildi.
Demirgazyk Reýn-Westfaliýa welaýatynda 43 hökmünde aýan edilen adam ýitgisi artmady. Ýurtda sil apaty sebäpli ýogalanlaryň sany jemi 141 adam boldy.
Beýanatda 670 adamyň ýaralanandygy, dereksiz ýiten adamlaryň gözleg işleriniň bolsa dowam edýändigi habar berildi.
Beýleki tarapdan Ýangyn söndüriji gullugy tarapyndan berilen beýanatda, Demirgazyk Reýn-Westfaliýa welaýatynda sil apatynda ýogalanlaryň arasynda 4 ýangyn söndürijiniň bardygy aýan edildi.
Ýurdyň Federal Kansleri Angela Merkel bolsa şu gün Reýnland-Pfals welaýatynyň sil apatynyň ýaramaz täsir ýetiren Şuld etrabyna barar.
Degişli Habarlar
Ysraýylly Ýesirleriň Hossarlary Protest Ýörişlerini Dowam Etdirýär
Protestçylar Netanýahunyň ýolbaşçylygyndaky hökümetden ýesirleriň yzyna getirilmegini talap etdi.
