Owganystanyň Bathyz welaýatynyň ähli etraplary Talibanyň gözegçiligi astyna geçdi
Talibanly başbozarlar Owganystanyň günbataryndaky Bathyz welaýatynyň ähli etraplarynyň gözegçiligini eline geçirdi
Bathyz welaýatynyň häkimi Hüsamettin Şems metbugata beren beýanatynda, Talibanly başbozarlaryň hökümetiň gözegçiligi astynda bolan Bathyz welaýatynyň ähli etraplaryna hüjüm etmäge başladandygyny mälim etdi.
Hüjümleriň netijesinde ähli etraplaryň Talibanyň gözegçiligine geçendigini aýdan Şems, etraplary basyp alan Talibanly başbozarlaryň welaýat merkezinede hüjüme geçendigini aýan etdi.
Şems, çaknyşyklaryň welaýatyň merkezinde dowam edýändigini habar berdi.
Beýleki tarapdan Bathyzyň welaýat Şurasynyň wekili Abdul Aziz Bek, Talibanly başbozarlaryň welaýatyň merkeziniň käbir ýerlerini we Bathyz tussaghanasyny basyp alandygyny beýan etdi.
Talibanly başbozarlaryň tussaghanadaky tussaglylary azat edendigini aýdan Bek, ýerli resmileriň gaçmak üçin Bathyz howa menziline ýerleşendigini aýan etdi.
Beýleki tarapdan Içeri işler ministrligi Bathyz welaýatynda Talibany yzyna serpikdirjek derejede howpsuzlyk güýçleriniň bardygyny habar berdi.
Owganystanda parahatçylyk tapgyry näbelliligini dowam etdýärkä howpsuzlyk güýçleri bilen Talibanyň arasyndaky çaknyşyklar entegem dowam edýär.
