Albaniýanyň Mejlisi Prezidentiň Wezipesinden Boşadylmagy Hakyndaky Talaby Tassyklady

Mejlisde geçirilen sese goýulşykda 104 halk deputaty Metanyň wezipeden boşadylmagy üçin ses beren bolsa, 7 halk deputaty garşy ses berdi. 3 halk deputaty bolsa ses bermekden saklandy.

Sese goýulşykdan ozal Mejlisiň Derňew komissiýasynyň Meta hakynda taýarlan habarnamasynda “Prezident Metanyň konstitutsiýanyň kadalaryny düýpli bozandygy” beýan edilýär.

Mejlisde çykyş eden Premýer-ministr Edi Rama, Metanyň missiýasyna hyýanat edendigini nygtap: “Meta, konstitutsiýany kemsitdi. Albaniýa mundan beýläk Metany goldamaz” diýdi.

Mejlisde kabul edilen kararyň Konstitutsion kazyýetiň garamagyna hödürlenjekdigi we Metanyn wezipeden boşadylmagy hakyndaky soňky kararyň 3 aýyň dowamyda kabul ediljekdigi habar berildi.

Meta wezipeden boşadylan halatynda Prezidentiň wezipesini Albaniýanyň Mejlisiniň Başlygy Gramoz Ruçi ýerine ýetirer.

Alnaniýanyň Sosialistik partiýasy Metanyň 2021-nji ýylyň 25-nji aprelinde geçirilen parlament saýlawlaryndan ozal we saýlaw kampaniýasynyň dowamynda konstitutsiýa garşy hereket edendigi sebäpli Mejlise ýüz tutupdy.