“Erkin Palestina”, “Terrorçy Ysraýyl”
Ysraýylyň Gündogar Iýerusalimde ýaşaýan palestinalylara garşy guraýan hüjümleri dowam edýär
Ysraýylyň howpsyzlyk güýçleriniň Gündogar Iýerusalimde ýaşaýan palestinalylara garşy guraýan hüjümleri dowam edýär.
ABŞ-nyň Musulman jemgyýetçilik guramalary we Amerikan-Yslam gatnaşyklary geňeşi tarapyndan berlen ýazmaça beýannamda, ysraýylyň howpsyzlyk güýçleriniň Aksa metjidinde ybadat edýän musulmanlara guran hüjüminiň we ysraýylyň öz öýlerinde oturan palestinalylaryň ýaşaýyş jaýlaryny ellerinden almagynyň asla kabul edilip bilinmejekdigi nygtaldy.
Beýannamada, Ysraýylyň şuňa meňzeş hereketleriniň we hüjümleriniň halkara hukugyna bap gelmeýändigi bellenildi we Jo Baýdeniň ýolbaşçylgyndaky hökümetiň we Kongresiň bu meselede herekete geçmelidigi nygtaldy.
Ysraýylyň howpsyzlyk güýçleriniň palestinalylara edýän zululyna garşy Gollandiýanyň paýtagty Amsterdamda protest ýörişi geçirildi.
Meşhur Dam meýdanynda geçirlen ýörişe esasy bölegi palestinalylardan ybarat topar gatnaşdy.
Palestinanyň baýdaklary göterlen ýörişde, Ysraýyla garşy şygarlar aýdyldy.
Birtaniýanyň paýtagty Londonda Premýer ministrligiň öňünde geçirlen protest ýörişine 5 müňe golaý adam gatnaşdy.
Ýörişde “Erkin Palestina”, “Terrorçy Ysraýyl” we “1948-nji ýyldan bäri dem alyp bilmeýäris” diýlen şygarlar göterildi we Ysraýylyň hüjümleriniň gyssagly bes edilmegi üçin çagyryş berildi.
Iordaniýada hem ýüzleçe adam Ysraýylyň ilçihanasynyň golaýynda Palestinanyň halkyna goldaw ýörişini geçirdi.
