Mýanmada Agdarlyşyga Garşy Durýan 19 Adama Ölüm Jezasy Berildi

Mýanmada harby agdarlyşyga we saýlanan hökümetiň agzalarynyň saklanmagyna garşy geçirilýän protest ýörişlerinde howpsyzlyk güýçleriniň aşa güýç ulanandygy sebäpli ýogalanlaryň sany 714 adama ýetdi.

Syýasy tussaglylara ýardam guramasynyň taýarlan günük habarnamasynda soňky 24 sagatda ýene-de 4 adam ýogaldy.

Habarnamada, protest ýörişleriniň başlan gününden bäri ýogalanlaryň sanynyň 714, saklananlaryň sanynyň bolsa 3 müň 54 adama ýetendigi nygtaldy.

Agdarlyşyga garşy durýan 717 adamyň göz tussaglygyna alynmagy barada kararyň bardygy ýatladyldy.

Beýleki tarapdan Mýanmanyň ýaragly güýçleriniň MRTW telewideniýesinde berlen habarda, agdarlyşyga garşy durýan 6 meýletin hakynda halky öjükdirendikleri we kanuny basgylandyklary sebäpli gozgalan kazyýet işiniň netijelendigi we ölüm jezasynyň berlendigi nygtaldy.

Harby kazyýet, agdarlyşygyň başlan gününden bäri ilkinji ölüm jezasyny 10-njy aprelde beripdi we agdarlyşyga garşy durýan 19 adama ölüm jezasy berlipdi.

Göz tussaglygyndaky 19 adamyň 27-nji martda Ýangon şäherinde 1 esgeriň öldürilmeginden jogapkärdigi öňe sürlüpdi.

Mýanmanyň goşunlary, 2020-njy ýylyň 8-nji noýabrynda geçirlen saýlawlarda galplyk edilendigi hakyndaky garaýyşlaryň öňe sürülmegi we ýurtda syýasy dartgynlygyň möwjemegi sebäpli 1-nji fewralda häkimiýeti ele geçiripdi.

Ýurduň saýlanan liderlerini saklan harby goşun 1 ýyl möhlet bilen adatdan daşary ýagdaý yglan edipdi.

Mýanmalylar 6-njy fewralda harby agdarlyşyga we ýurduň saýlanan liderleriniň saklanmagyna garşy protest ýörişlerini başladypdy.