Sergeý Lawrow Donbass sebiti bilen bagly beýanat berdi

Russiýanyň Daşary işler ministri Sergeý Lawrow, Fransiýanyň we Germaniýanyň Donbass meselesi boýunça Ukrainany özüne getirmelidigini beýan etdi

1616073
Sergeý Lawrow Donbass sebiti bilen bagly beýanat berdi

Hindistanyň paýtagty Täze Deli şäherinde duşuşyk geçiren Sergeý Lawrow we Hindistanyň Daşary işler ministri Subrahmanýam Jaişankar umumy metbugat ýygnagyny geçirdiler. 

Ukrainanyň gündogaryndaky Donbass sebitindäki dartgynlyk bilen bagly beýanat beren Lawrow, Ukrainanyň hökümetiniň Donbass sebiti bilen bagly berýän beýanatlaryna alada bildirýändiklerini habar berdi. 

Günbataryň Kiýewiň bu beýanatlaryna reaksiýa bildirmeýändigini aýdan Lawrow, ABŞ-nyň Donbassda başdan geçirilýän hadysalara laýyk düşünjä eýedigi baradaky umydyny paýlaşdy. 

Lawrow: "Günbatarly kärdeşlerimiziň, Donbassda harby infrastrukarynyň güýçlendirilmegi we esgerleriň Donbassdaky front liniýasyna ýerleşdirilmegi bilen baglanşykly aksiýalary we pozisiýalary bizde häzirlikçe lapykeçlik döredýär. Günbatarly kärdeşlerimizi resmi Kiýewiň goldanmagynyň gerekdigi ugrunda hereket edýär" diýip belledi. 

Ukrainanyň Minsk ylalaşygynyň düzgünlerini bozandygyny öňe süren Lawrow: "Kiýew, Donbass krizisiniň syýasy çözgüdi babatynda eden tankydy belliklerinden soň harby aksiýalar etmek bilen hemle atýar" diýip beýan etdi. 

Donbassda asuda halkyň hüjümlerde ýogalýandygyny aýdan Lawrow, Minsk ylalaşyklarynda bolşy ýaly Donetsk we Lugansk sebitleriniň statusynyň kesgitlenmeginiň gerekdigini belledi. 

Ukrainanyň gündogaryndaky krizis bilen baglanşykly Normandiýa formatynda ozal gepleşikleriň geçirilendigini ýatladan Lawrow, Fransiýany we Germaniýany Donbass meselesi babatynda öz östüne düşýänini etmezlik bilen tankyt etdi. 

Ministr Lawrow: "Ýewropa ýurtlarynyň Ukrainadan Minsk ylalaşygynyň düzgünlerini berjaý etmegini talap etjekdigini umyt edýärin" diýip habar berdi. 



Degişli Habarlar