Russiýa Iordaniýanyň Şasy Abdullah 2-njini Goldaýar
"Şa Abdullah 2-njiniň ýurtda durnuklylygyň ýola goýulmagy üçin edýän tagallalaryna goldaw berýäris”
Russiýa, Iordaniýada agdarlyşyk etmäge synanşandyklary sebäpli 20 adamyň saklanmagyndan soň Iordan şasy Abdullah 2-njiniň ýurtda durnuklylygyň ýola goýulmagy üçin edýän tagallalaryna goldaw berýär.
Russiýanyn Daşary işler ministrliginden berlen beýannamada, Moskwanyň, Iordaniýada durnuklylygy we howpsyzlygy bozmaga synanşylan wakalar bilen ýakyndan gyzyklanýandygy nygtaldy.
Beýannamada “Iordaniýanyň legal hökümetine we Şa Abdullah 2-njiniň ýurtda durnuklylygyň ýola goýulmagy üçin edýän tagallalaryna goldaw berýäris” diýildi.
Iordaniýada 3-nji aprelde Şa Abdullah 2-nji häkimiýetden çetleşdirmäge synanşandygy sebäpli ýokary derejeli döwlet işgärleriniň saklanandygy habar berilipdi.
“Waşington Post” gazeti, Iordaniýada ýurduň durnuklylygyny bozmaga synanşandygy sebäpli” 20 adamyň saklanandygyny we Mirasdüşer şazada Hamza bin Hüseýiniň hem öýünde göz tussaglygynda saklanýandygyny öňe sürüpdi.
Şazada bin Hüseýin 1999-2004-nji ýyllaryň aralygynda Mirasdüşer Şazadalyk edipdi, emma soň şol wezipä Şa Abdullah 2-njiniň uly ogly Hüseýin bin Abdulla geçipdi.
Degişli Habarlar
Malaýziýada 2 harby dikuçar çakyşdy
Malaýziýada 2 harby dikuçaryň çakyşmagy netijesinde 10 adam ýogaldy