Ýewropanyň käbir ýurtlarynda koronawirus epidemiýasy bilen bagly çäklendirmeler ptotest edildi

Britaniýanyň paýtagty London şäherinde Kowid-19 çäklendirmelerine garşy müňlerçe adam Hyde parkynda jemlenişip, protest ýörişene başladylar. 

Kowid-19 epidemiýasyna garşy görülýän çäreleriň çäginde gadagan bolmazgyna garamazdan geçirilen prtestde polisiýa işgärleri bilen protestçileriň arasynda wagtal-wagtal dartgynlyklar başdan geçirildi. 

Protest ýörişinde 33 adam göz tussaglygyna alyndy. 

Germaniýanyň Kassel şäherindede, Kowid-19 epidemiýasy bilen bagly görülen çäklendirmeleri protest etmek maksady bilen müňlerçe adam şäheriň merkezinde jemlenişdiler we rugsatsyz ýöriş geçirmek islediler. 

Protest aksiýasynda ençeme adam maska we sosial araçäk düzgünlerini berjaý etmediler we polisiýa işgärleriniň dargamaklary baradaky çagyryşlaryna gulak asmadylar. 

Ýüze çykan dartgynly pursatlaryň netijesinde polisiýa işgärleri protestçilere garşy gözüňi ýaşardýan gaz, dürre we ýokary basynçly suw ulandy. Protestçiler bolsa polisiýa işgärlerine çüýşe zyňdylar we metbugat işgärlerine hüjüm etdiler. 

Köp sanda adamyň göz tussaglygyna alynan proteste 10 müň adam gatnaşdy. 

Ýurdyň paýtagty Berlin şäherinde hem aşa sagjylar Kowid-19 epidemiýasy bilen bagly görülen çäklendirmeleri protest etdi. 

Bu protestde hem ençeme adam göz tussaglygyna alyndy. 

Çepçi toparlar hem olara garşy protest ýöriş geçirdiler. 

Protest ýörişleriň ikisi hem hadysasyz tamam boldy. 

Gollandiýanyň paýtagty Amsterdam şäherinde muzeýler meýdançasynda ýygnanan demonstrantlar, başda köçä çykmak gadagançylygy bolmak bilen ähli çäklendirmeleriň iň gysga wagtda bes edilmegini islediler. 

Polisiýa işgärleri meýdançany terk etmedik adamlara garşy ses bombasyny we ýokary basynçyly suw ulandy, demonstrantlaryň käbirleri dargamadyklary sebäpli göz tussaglygyna alyndy.